若要人似我,除非兩個我

呢個世上無人可以完全一樣, 即使好似樣的兩姊妹, 都可以各有不用!! 佢地2個好似樣,亦同樣愛笑,但性格截然不同, 無論點都好~~ 都係我最愛的小寶寶!

20100217 虎年黎啦~!

先黎講下我地由年廿八忙到年三十晚!
年廿八: 放半DAY假去做下FACIAL! 爽
年廿九: 朝早去整頭髮, 下午本想去SHOPPING變左要同寶寶睇醫生! 無錯又病...今次病左3個星期,斷斷續續咁樣咳未好!!!!! 夜晚返到婆婆屋企, 團年飯寶寶都只係食左2舊咕嚕肉就走左去訓!
年三十: 去陪BEAR買新鞋買新衫新褲; 午睡過後就去叔叔屋企食團年飯!

年初一: 都係例牌朝早走幾個屋企去拜年, 之後婆婆趕住返上大陸; 我地就跳左下午的拜年活動改響屋企齊齊訓個靚午睡, 夜晚再諗去邊到食大餐,話晒都係情人節呀~!
我地去九龍塘搵左間無乜人的餐廳食情人節大餐!!
同寶寶影返張靚相先~!

跟住寶寶又話同我地2老影返張相喎, 鬆、郁、蒙!

食飽飽就行去又一城影下相!





年初二:大姑媽請食TEA, 去德福再影下相先~! 夜晚返奶奶屋企開年, 咁多年第一次返去開年!
影返D全家福先~!

同表哥仔影下相先~!


年初三:BEAR出左團LU, 得返2母女過,走難地拎返D厚衫返婆婆屋企,黎緊都係婆婆湊寶寶,又得果九度!! 之後返婆婆屋企午睡完先出發去太古城HAPPY~! 先去意粉屋食我的第一餐...再去冒險樂園冒險一番!!
25蚊玩一次的菲林杯, 迪迪尼的咖啡杯勁得多~!!


玩左4個GAMES 走去反斗城, 陪亞女玩唔洗錢的玩具,又企成粒鐘!
之後出去影下相...


越來越多古怪表情!!

行到最後,約埋婆婆去食小籠包先返婆婆屋企!
咁就完了我的新年假期囉!

BEAR出左團要星期六(初七)先返...黎緊有賴婆婆照顧寶寶囉~!

20100210 學校迎虎年

今日學校唔洗著校服, 著新年衫返學喎~!
但今日好熱喎~!! 有成26度, 之前買落的格格公主長褸著唔到喎~!
唯有啦啦淋沉晚放工去買過一件背心仔俾佢返學著啦~!
都幾好睇架~!
有請~MEGAN格格! WAKAKA


手上仲拎住爸爸一齊做的新年吊飾! (沉晚趕工!)


跟住陪我地食埋早餐先由爸爸帶MEGAN格格返學~!
有益的麥皮早餐呀~!

20100206 亞bear整餅 及 朋友仔生日會

就過年啦, 諗住試下整"大發糕" , 所以星期六約左我的朋友上黎一齊整"餅"!
先黎跟下BLOGGER造法, 造左出黎似人地賣的海綿蛋糕, 幾香幾軟..但係唔"發"~!
再黎..改良少少, 變左黑糖發糕, 都係"發"唔起~!
BEAR BEAR唔死心再試...!! 用個碗的份量再試, 唔落蛋, 今終於"發"得起啦~! 但好樣衰
我地食完LUNCH, BEAR 再黎玩過, 我就帶寶寶上PLAYGROUP!
俾佢成功左啦~!! 發到好似朵花咁呀~! XDDD

完左生日會之後, BEAR想試下整個大的~!

成功~! 不過婆婆話好硬喎~!


材料: 100G 蛋汁 + 100G 水 + 150G 糖 + 350G 低筋粉 + 2.5G 發粉
造法: 搞埋晒一齊, 蒸30分鐘, 完成~!

完左PLAYGROUP, 我地就去朋友仔屋企開PARTY!
朋友仔未齊, 齊齊睇下NODDY先~!

人齊...可以開飯啦~!

幾唔客氣霸左個好位先~!!

跟住當然要切蛋糕啦~!

MEGAN好似當正自己有份生日咁...一齊切蛋糕!


回想返佢地第一次玩的時候...已經


唉...雖然香港地好男仔買少見少,但亞女..我仲未想咁快嫁你出去喎~!

20100206 - 惜學

晴空看鳥飛, 流水觀魚躍;
識宇宙活潑之機。
人學始知道, 不學亦徒然。
學須靜, 才須學;
非學無以廣才, 非靜無以成學。
風息時, 休起浪;
岸到處, 便離船。
枯木逢春猶再發, 人無兩度再少年。

今個星期要朗誦.....我死梗~!!

後記: 最後只係背到一半, 兩星期後再抽樣再黎過, 即係呢兩星期要係咁背~!

唐詩 2009

<<春曉>> - 作者: 孟浩然
春眠不覺曉，處處聞啼鳥;
夜來風雨聲，花落知多少。

<<靜夜思>> - 作者: 李白
床前明月光，疑是地上霜;
舉頭望明月，低頭思故鄉。

<<憫農詩>> - 作者: 李紳
鋤禾日當午，汗滴禾下土;
誰知盤中餐，粒粒皆辛苦。

<<登樂遊原>> - 作者: 李商隱
向晚意不適，驅車登古原;
夕陽無限好，只是近黃昏。

<<涼州詞>> - 作者: 王翰
葡萄美酒夜光杯，欲飲琵琶馬上催;
醉臥沙場君莫笑，古來征戰幾人回?

20091220 婆婆家做冬

今晚獨欠魚腸.....響婆婆屋企做冬!

婆婆的餸真係好正~! 無得頂...........
在遠方的姨婆呀! 舅公/舅婆呀~! 表舅父們! 你地想食快d飛返黎啦~!

先黎..響出面街都食唔到咁好味的咕嚕肉!


再黎帶子炒西蘭花! (d帶子係婆婆響日本帶返黎架..!)


清蒸大海斑! (滑dodo咁架~!!)


當然唔少得"哈哈大笑"啦!!


呢個係冬菇海參鮑片炆鵝掌! 好鬼入味...yummy~!


仲有手掌咁長的大聖子,唔記得影相添~!
仲有亞婆的花膠雞湯....真係好好味架~!!!

20091219 婚宴

今日係Venus姨姨的大婚日子, 但亦係JAZZ跳舞班最後一堂! 所以好趕呀...

先上跳舞班...



跟住就買個飯返屋企俾寶寶食, 我就要開始裝身.. !
搞到2點先出得門口,好彩無遲到~!

新人出場啦~!

cocktail完左之後, 寶寶著得咁靚,當然出去影下相啦~!
以下的post引起各位嘔吐請勿見怪...全部都係寶寶自己擺的..唔關我的事~!!






跟住就搵間餐廳抱住個蕃薯公主訓一陣先,因為夜場都有我地份喎~!
等埋爸爸黎到..就變身~!! megan蕃薯..唔係..係megan公主黎啦~!



咁斯文的寶寶..當然要影多幾張相啦~!



經歷左一晚公主的裝扮,果然係斯文少少~! 可能個個都讚佢好靚...條裙啦~!
當然啦...佢亞媽我....特別為佢打扮的~! 偷了新娘子的光吧...多謝Venus姨姨俾個機會寶寶做了一晚斯文公主!