馬灣遊 (2009/04/25)

本來今日約好去摘士多啤梨, 但可惜天公不造美, 又響放假先黎落雨,嘿~!
改左去遊馬灣, 由於同學仔住響到, 我地諗過如果唔落雨就去馬灣公園, 落雨就早d去club house玩!

入到黎3點左右,幾滴雨就點到去行下啦~!


好有心機, 日日都唔同的日子~! (那2個人等左好耐都唔走,所以照放上黎~!)


你地唔好以為寶寶最大個呀!
佢右手邊許樂同學仔,大佢半年架~! 但size就最大係 肥妹仔-贏晒~!

佢地睇乜野~?! 一齊去搵"科豆"喎~! (但望左好耐都望唔到~)

寶寶話:你地快d黎睇下啦, 呢到好靚架~!

一齊響到扮白兔仔~! 陳泓熹你去左邊呀~?!?!
(呢張相好難影,踎左好耐先影到,踎到腳軟~)


跟住就行上山的小徑, 泓熹媽話好近之嘛...! 點知...行到無晒氣,無氣影相啦~! 但好好風好舒服架~! 之後我地就行返去clubhouse, 我地book左一個playroom 加一個房 (合共$80/hour,真係好抵) 可以一邊俾小朋友自成一角自己玩, 我地又可以響坐響到房仔到嘆我地的下午茶~!

最後我地一齊切蛋糕,因為呢個4月有太多野要慶祝啦~!

結婚4週年紀念日~

不知不覺已經去到第四年了, 寶寶都快要3歲啦~! 時間真係過得好快...
記得4年前結婚當晚完晒所有的節目, 發覺2公婆都無食過野, 但由於當晚太攰, 唔食就去訓!!
所以講過每年結婚紀念日都要食餐飽~! (俾個藉口去食大餐~ :p)
第一年紀念日, 陀住寶寶都揀左jw marriott食海鮮buffet (生蠔都食左10隻呀!) , 哈哈哈~!

自從寶寶出左世之後, 真係諗唔到去邊到慶祝, 因為去邊都要帶埋個女丫嘛! 今年當然唔例外啦!
今早響公司忙緊時, 竟然收到花~!

個衰人仲扮傻打電話黎約我食lunch~! (咁當然真係幾心甜的~!)
放工前拆左束花! 希望星期一返公司仲有樣睇啦~


放左工湊埋寶寶返婆婆屋企換埋衫,就join埋老公搭mtr~! 真係唔知去邊到食..
先坐港島綫,諗住去九龍灣..諗住去ruby tuseday啦, 打去問過walk-in等都最少45mins! no way~
最後我決定去九龍城, 食老公最愛的泰國菜!慶祝唔一定要踞扒架嘛~! ^_^
先黎睇下寶寶的食相! 佢食左2細碗咖喱汁撈飯 + 半碟炭燒豬頸肉呀~!

先有公車腩霸(生蝦刺身),由於太餓,食晒唔記得影相~! 之前仲有一桶仔的蝦片架,好好味.
炭燒豬頸肉

咖喱軟殼蟹 - 個汁真係好好味, 我地夾埋食2碗白飯去撈汁呀~!

泰式豬肉濕炒河粉 - 一心諗住叫俾個女食, 點知少少都唔食~! 嘿..

你地睇下寶寶食得幾開心~!

但老公仲要加個甜品 - 就係我最愛的芒果糯米飯!

寶寶一個人食左半份芒果肉! 你地睇下爸爸同寶寶都食得幾滿足~!


希望黎緊的每個週年紀念日都有我個可愛寶寶陪住我地2老~!

秘書節

今日係秘書節, 我諗好多人都唔知!! 我又唔係秘書..又點會知~?! 因為我有份夾錢買朱古力送俾我地個秘書夾receiption姐姐丫嘛~!

跟住...放工前佢請返我地每人一個cake呀~! ! d蛋糕布丁係咪好可愛呢~?

睇下聽日買個俾寶寶放學食先~

潮州遊過兒童節 (2009/04/03 to 2009/04/04)

今個兒童節亦都係清明節, 我地要陪亞爺返潮州普寧拜山, 這個路程真係好長, 要最少坐5個鐘頭車去~! 我地一行6人包車上,如果唔係我一定唔去~!! 最終我地用左7個幾8個鐘先去到普寧市~! 真係坐得pat pat都痛, 腰骨都直~!

坐左4個鐘約一半路程中途落車去下廁所, 亞麻買左支粟米分左一半俾寶寶食!
之後回程時, 中途落車, 寶寶拖住亞麻再去買野食~! 幾friend都有~


夜晚8點半,成個普寧市都好似無野食咁, 響酒店坐左半個鐘頭車先搵到地方食飯~!
d 侍應好似唔願做生意咁, 問乜無乜~! 叫佢拎幾個白飯黎都聽唔明~! 用埋潮州話講都唔得~
食飽飯就酒店, 早d訓! 坐左成日車真係好攰, 不過間酒店響正馬路邊, 成晚d車bu bu聲訓得好差! 寶寶又成晚話間房有怪獸, 唔願...tum左成個鐘先訓得著~!

第二朝, 因為趕住一齊去祠堂, 所以話唔去飲茶, 響樓下買d野食少少咪算囉~!
但奶奶就話附近無野食....就成日係咁話你鍾意樓下買咪樓下買囉..無所謂..係咁講..好似搞到我唔俾佢飲茶咁... =__=

終於問左十次路先去到的祠堂路口~!

拖住2姑媽自己行的寶寶~



去到祠堂門口啦~!

祠堂入面~

呢到係祭祖的食品,真係好多架~!

呢間係亞爺的祖屋, 亞爺就響入面出世架啦~!

跟住就要每人要分三次上香, 同埋燒金銀~! 場面太壯觀...

之後就要坐車,再行上山拜太太太太麻喎~
條路好曲折同要行好遠先去到,仲要爬山架~!
最後搞到1點,一齊去食飯就起行回程返香港~
寶寶除左上車無耐,訓左個半鐘午睡, 之後果3個半就響架車都無停過, 唱歌啦~ 跳舞啦~ 走來走去啦~!
亞爺同亞麻都頂佢唔順, 亞麻終於話我個唔係唔識講野啦~!!
呢個旅程真係好辛苦, 下次再去潮州..等有火車先好預我~!