一家大細遊泰國2008之第五天及後記

最後一天的早餐!寶寶帶埋史迪仔去食多D喎

呢份早餐我的~!

呢個小朋友都係06年8月出世的,我同佢媽咪響網上交換去泰國資料時認識的,我地響酒店食早餐到相認架~!

跟住返上房PACK野,忍唔住再落去SIAM行多轉買野,最後沖"次"丫嘛..~!

1點前CHECK-OUT,我地的早餐又未落格,唯有響CENTRE WORLD行下囉..
帶個女去行下TOY'R US,但泰國的玩具反斗城俾香港的貴好多...
再行過少少就有好似香港的冒險樂園,見有時間咪帶個女去冒險下囉..


呢個係茶杯..但亞女好似唔多開心..因為開始扭眼訓~

所以好快就走返出黎..
行過隔離的餐廳有白兔小姐走出黎同人影相架~!

老公今早已經不停提我未食九球雪球,講左好多次...最後為了滿足佢的要求..我地入去啦~!

登...登...登...登~! 九球雪球,四個人分~! 只係60蚊..抵呀~!

經過呢五日四夜的旅程, 你睇下寶寶的肚DUM~!

一家大細遊泰國2008之第四天

第四日 - 先黎嘆個靚早餐先~~

你睇下寶寶食得幾滋味~


跟住我就同表哥去大皇宮,鄭王廟半天遊~! 而老公就同寶寶返上房再訓覺..之後佢地2父女去泳池游水~!
首先我地2個由酒店行去SIAM站(行左20分鐘..出晒汗) 坐S線落去轉船去大皇宮

呢個地方我都係第一次黎架,不過都做晒功課,搭34BAHTS船去到第8個站落船行去
沿途都有好多攤檔, 好似我地香港的廟街咁架

呢到有D街頭小食,好似我亞媽過年前整的"糖環"架~!

我地黎到大皇宮啦~

去到諗住見到其中一個門口有個人介紹咪問下佢囉, 點知佢話要2點先開放俾遊客喎~! 咁算啦,響外面行個圈啦, 點知行到去正門就有呢個牌...."千其唔好信陌生人呀~!!" 頂...原來係有得去睇架~

俾錢買TICKET入去!

裡面真係好金碧輝煌架~



行左大半個鐘,影完完之後,我地就諗住去搵卧佛,但搞唔到,但就搵到船過對面河的鄭王廟~!
相機都影到無晒電...無相影呀..由於我太多肥膏響身..無力再行上鄭王廟, 等表哥自己一個去行..
我就坐響D陰涼地方坐下等佢..!遊完呢D咁悶的地方,..我就約老公去唐人街食LUNCH~!

飯就無食到...因為唔知話想行埋SIAM,所以只係去唐人街的合記林真香買晒手信就走囉~!!
行足大半日,無力諗..求其去FUJI搵D野食..
呢個都唔知乜野定食

BEAR BEAR的魚生飯

表哥的魚生船

同場加寶寶影世界~!


坐返個零鐘, 我地就盡最後努力去SHOPPING....表哥頂唔順就自己返酒店訓覺~!
諗諗下..不如搭BTS去搵我最愛的"芒果糯米飯"~ 去到Thong Lo站落車,
搵Mae Varee Fruits shop

諗諗下..不如買埋D芒果返香港做手信..一路叫D姐姐揀D唔好咁熟的芒果同我PACK 箱, 老公就同寶寶響門口食左1個芒果加1個芒果糯米飯, BEAR話寶寶一個人食晒成個芒果呀~!!
我只可以夜晚返去食外賣那一個咋..

跟住用寶寶架私家車,車返D芒果返酒店, 寶寶就響BTS到玩~!

夜晚我地就約返之前班泰國朋友去"光海鮮" 食晚飯..
但由夜等人等得太夜,亞女響未開飯都已經訓左...我地無心機影相..
而且我同表哥仲要趕住10點半去SILOM區做SPA~! 做完SPA返到酒店都差不多3點囉~!

一家大細遊泰國2008之第三天

好啦..我地要離開芭提雅啦~ 向曼谷出發~! bye bye 酒店~!

我地先去tiger zoo玩完先去bangkok~! 黎到啦~!

第一站: 鱷魚表演

第二站:老虎加小豬表演

第三站:大象表演

第四站:去餵老虎仔食奶奶
之後我地就緊住坐車出曼谷啦~!

我地響曼谷住的係Centara Grand Bangkok at Central World

返到上房,...你地睇下..幾大張床....幾大個浴缸~!



hea完一陣就落去要去醫肚啦~!!! 唔諗咁多,近近地centre world的food count..
見到我地的朋友..佢地叫到成枱都係野食..我地係每人食少少咁啦..


跟住去big c果頭唱返d盤川先...再去big c shopping先~~
落到樓下..見到有個好大的bear bear呀~! 你睇下我地一家三口幾幸福~! :p

買完野就返上房洗個白白先...

約左bear的泰國朋友7點半去食飯睇show喎! 呢間係德國餐廳,有自己饟的啤酒架~!

去到坐底..叫返支啤酒先~! 呢支啤酒有5公升架..我地合共5個人飲左7公升..!!

餐廳好好,準備兒童餐具俾小朋友

先黎油浸筍殼

當然唔少得生蠔一人一隻啦~!!

去德國餐廳, 點都唔少得德國香腸同德國咸豬手啦~! 每樣黎2碟先~


仲有寶寶最愛的炭燒大頭蝦~!

最後有明爐燒魚~! 好似仲有蟹肉炒飯, 無影到添~!

由於餐廳個d音樂好勁,寶寶睇show睇到好high, 無啦啦走黎抱住我咀我!


當晚一面睇show一面跳舞,搞到十二點我地先捨得走...
但由於寶寶響食飯其間不停咁跳舞,十點半頂唔住就要爸爸抱住訓左lu~
埋單只係3千幾銖都幾好食架~! 但由於間餐廳都幾唔近市區,如果唔係有朋友車我地去..我地都無機會去試囉!