開日誌以來都未試過放寶寶成日見到的屋企人添~!
今日放上婆婆,公公同表哥的相上黎先.
呢張相係我地一家三口跟婆婆返清遠時影的,果日好熱呀!陪婆婆去揀材料裝修新屋,裝修完我地就可以去玩啦~!
呢張相係婆婆公公結婚三十週年日一齊出去食飯影的~! 媽媽俾一個驚喜結婆婆公公,靜靜約埋姑婆同表姨媽一齊出去食飯,當提早食埋團圓飯喎~!
平時我地一家三口,好多時都響婆婆屋企住架, 婆婆煮的餸真係好好味架~!
仲有表哥成日同我玩架~!
2008年9月26日星期五
2008年9月18日星期四
寶寶返新學
由於亞女四個月大開始就要返托嬰園,直至2歲,所以一直以來都係返緊學~!
對於寶寶係一個新的里程,因為佢已經唔再係bb,返托嬰園,係轉返幼兒園!~
突然覺得個女好似大個左好多,由於亞女唔係第一次返學校(之前返開托嬰園同係同一個地點)
所以好多人都對寶寶都有好大期望就係唔會喊~!
九月一日
- 9點鐘返到學校,寶寶好似無乜反應,可能仲未知發生乜野事,老師同佢探左熱,消毒左鞋仔,就被老師拖左入課室;11點我去到學校接佢,由於我搞錯時間遲左接佢,一見到佢喊住咁走出黎.
九月二日
- 爸爸帶返學,當爸爸抱住行到去附近已經攬實爸爸喊!
九月三日 至 五日
- 正式返全日,由於寶寶之前返開托嬰園,所以老師特許亞女放6點鐘,對於好多未試過俾小朋友返學的家長黎講,我地係好殘忍的!但係無辦法啦,我同爸爸都要返工無假放,同埋我地無人湊到佢...只可以同寶寶講對不起,留低你咁耐.. (但老師打俾我,同我講除左返到入學校時有喊一陣,其餘時間都好好,可能有d以前托嬰園的朋友仔一齊啦,除左有d小朋友喊緊叫媽咪的時候佢都同樣一齊叫媽咪之外,都無乜點喊lu)
九月八日 至 十二日
- 已經係第二個星期返學啦,呢個星期有進步呀,除左出門口唔要書包之外, 返到學校附近都係要我抱住入課室,跟住都可以自己坐定換鞋同跟老師入課室啦~! 放學都無喊, 老師每日都會打電話同我講下亞女的情況,只係仲有漏尿的情況外,樣樣都好好啦..唯有每日為個女準備多2套褲仔返學啦~!
九月十七日
- 今日返學,一返到學校附近落車,見到同學仔,就已經唔理我,拖住個同學仔入課室一齊換鞋啦,我諗亞女已經習慣返幼兒園啦!嘿,個女掛住入課室玩,都唔同我講bye bye同kiss me呀!!
後記:
返左幼兒園2個多星期,佢變左成日痴住我,同成日叫"媽咪呀","媽咪呀","媽咪呀"! 可能響學校仲有同學仔未習慣返學,響學校裡成日叫住"媽咪呀"咁...所以亞女日日都響屋企..時時刻刻都係咁叫..叫到有d煩添..!
不過最窩心的係,每次我抱佢,佢都會kiss我...(但唔俾爸爸kiss...可能爸爸好多鬚!! hahaaa)
訂閱：
文章 (Atom)
