假期的代價

放完悠閒的假期就返去併命的時候, 其實放假前我都考慮左好耐放唔放好~
放完假返去就要埋數, 今次仲要係年結;即係唔可以有乜野唔妥留返下個月改返~!
要改就要等audit先有得改...
但老頂講返黎先再算,陪下個女先喎...咁就死就死啦~!

今日先係第一日,已經差不多十一點先收工...黎緊呢個星期都可能係咁架啦!!
好彩今晚老公上黎探班時買左個好靚的kitty杯麵俾我,如果唔係真係餓到頭痛..

黎緊日子可唔可以唔好晚晚杯麵呢..?! 要快手d先得囉..

終於放完悠長假期(2007/12/25-2008/1/1)

請多2day半連放8日,俾人聽到好似真係幾爽~!
但呢8日都無乜點做過d乜野, 多數都係陪亞女響屋企..

先係25號,公眾假期反而無節目,只係響屋企hea下
26號夜晚去左沙田新城巿打個白鴿轉, 食個"魚"晚餐(fish & co)再睇下表演就閃返屋企;
27號去荷李活廣場同朋友食個午飯,再返亞媽到食晚飯; (同平時返工差不多,只係遊閒d囉)

最開心係28號一早帶左亞女返學, 我地2公婆去ifc睇早場<魔幻羅盤>,
再落去食返個k lunch,真係好耐無咁爽囉~!
k lunch真係唔係至在食,最正係由12點可以唱到4點呀~! 真係正呀...
之後d節目就一般囉..去湊返亞女...睇醫生!! 係呀又要見醫生呀, 湊放學時老師話佢有少少發燒
都係要見下醫生先安樂架啦~!好彩公司有得claim下咋,如果唔係..骨都赤埋呀!

29號,亞女病病地當然無去街啦,直到夜晚去老公個fd屋企維港灣烚烚下;
咁近當然坐的士去啦, 上的士無耐,亞女就嘔...嘔到佢自己個身都有, 司機即時俾個膠袋,
如果唔係有排洗車呀...! 唔洗講原車返屋企同個女抹下個身換過套衫先出去!
好彩之後亞女都無乜事,可能返風架的士又無開冷氣又無開窗焗得滯所以嘔啦~!

30號返99到飲茶, 唔知係咪亞女有d唔多妥,一見到99同62就唔望,仲大喊~!
返到99屋企仲好似膏葯咁貼到我..搞到好似我個女好麻煩咁..唉!
無計啦...99下下都鬼咁大聲咁叫佢同捉住佢,俾我都唔睬啦~!!

31號,最好都係返亞媽到啦,凍冰冰,烚烚下,最perfect!

1號,同亞媽去飲茶行個圈, 我就去探個朋友,生左個bb仔喎,點都睇下啦~!
之後陪老公剪髮,再返亞媽到,2公婆烚烚下..真係happy!

咁就過左我的假期囉....





無聊!!