新NOTEBOOK

哈哈,揀左啦..揀到啦~! 揀左足足一年先買到我想買的NOTEBOOK...
又要o岩budget, 又要o岩要求, 真係好煩! 加多百幾蚊又有D唔同, 真係好難揀囉!

因為公司電腦又唔上得網, CHECK下私人EMAIL都唔得,真係好唔方便,為左做野,買部方便携帶又實用! 你地睇下..佢係我的新寵兒~!

書展2008

上星期五約左另一個BB媽咪一齊去行書展, 因為有免費入場票, 咁就入去買下書俾個女啦~!
我最想就係買一SET 英文兒歌DVD俾亞女, 睇下書展有無平啦~!



約左6點鐘入去, 帶定2千蚊入去買野, 但最後真係買唔到咁多囉~!
我地今次主要的目的只係兒童天地, 所以我地諗唔會好多人卦...因為真係好多人排隊入去~!



入到去見到最大的攤位當然係SMART KIDS呀, DISNEY呀等等果D會食人的教材啦~!
果到D SALES一見到有帶小朋友去的家長, 就即時捉住個小朋友係咁俾野佢地玩, 好彩我地都無帶D百厭BB黎咋, 如果唔係都唔洗脫身囉~!


我地入去當然揀D好靚果D書啦, 一見到果D英文書店,真係好多人迫入去..可能真係好抵啦..
THOMAS, DISNEY, DORA等等真係好多款揀呀! 我揀左3本書, 一本係磁石書, 一本係教點樣著衫的書, 仲有一本係本歌詞書附送CD一隻~!

之後真係見到好多書, 但對於我地果D小朋友野都未講得正黎講, 買咁多都無用...我同我朋友講, 出年買都未遲啦...都未會咁多~!結果就係這句金句我地就買少好多野囉...!!

最重要係我好想買的英文兒歌卡拉OK俾我個女, 我個女已經有其中隻, 我見佢好鍾意, 所以想買晒成SET俾佢囉! 不過買左返黎..黎過真係都幾深..所以都係最終聽返第一隻~! 希望佢會快D學咁多首兒歌啦~!

有時間先UPLOAD下D戰利品上黎啦~!

我自己就買左"我的低能婚禮"同埋泰國旅遊書, 希望今年去得成旅行啦~!

寶寶畢業啦~!

黎緊8月16日就係我人生第一個畢業禮! 呢張就係邀請咭啦~!

我大個女啦~!

熱辣辣遊迪迪尼

在今年最高溫的日子去迪迪尼有點搞死自己!

如果唔係個女好鍾意小小世界,我都真係唔多想去, 老公話呢個行程係專為我消脂而行喎!!

由於今早亞女發嬲, 出門果時佢仲嬲爆爆, 你地睇下佢個樣,咪好嬲!! 都唔知佢嬲乜...

等入場前, 影張大合照先~!!

 

第一站當然黎到我地最想去的小小世界啦~! 你地睇下幾曬....

你睇下寶寶幾開心...!!

Dinner in Pizza Express(2008-07-11)

今日約左朋友仔去睇bb車, 佢個bb都就黎六個月大囉..!

所以想買士的車, 我介紹我個女用緊的maclaren volo這個俾佢囉..!

約左佢去中環荷花到等, 齊齊睇! 佢一黎就睇中maclaren系列的stroller, 我都話無介紹錯架啦~!

但佢一心想買triumph可以有多一個角度調教, 但點知佢發覺只係可以坐得直少少..! heehee

所以都係揀返08年新版volo, 但可以佢所揀所有顏色都無晒貨, 佢真係失望都極點..!

最後諗下去mothercare買貴少少都無所謂,...但都人地都係無貨, 莫非真係咁多bb出世要買bb車??

不過都算啦..食返餐好野...安慰下啦~!

先黎呢個焗蘑菇配小麵包..yummy~!

再黎黑松露菌pizza!

今晚再寫....

馬灣之旅(2008-07-05)

好開心....我又黎玩水囉~! 今次仲有得玩沙沙添呀..

首先dad同mum帶我去青衣城買沙灘玩具,

再搭專線巴士入去同學仔屋企換晒衫先去沙灘!!
先黎介紹下我個同學仔 - 陳泓熹啦~!

呢個就係我第一位同學仔, 因為我同佢同一日入學架~!

首先黎到沙灘搵個靚位放低d野先~! dad就第一時間抱我落沙到玩~!

但d沙真係好熱同好"吉"呀! 我死攬實dad唔落地...但見到泓熹佢好似好開心喎...

咁就試下跟佢落水玩下啦~! 原來好正架~!

你地睇下我...曬到紅卜卜呀, 好彩有dad對腳擋下d太陽咋,如果唔係一定曬到好黑囉~!

青馬大橋下的我....響到擔水呀~!

你地睇下我做乜....


我幾叻....我自己一個行出去海邊, "筆"水拎返去砌城堡呀!

跟住我地就去沖下身, 再去室內泳池游水! 不過無得影相...

6點幾搭船出荃灣食埋dinner返屋企...我已經攰到散左囉~!

不過玩得好開心...希望快d有下一次啦~!

日本人氣新歌手 - 青山黛瑪-留在我身邊

青山黛瑪-留在我身邊

2008年下水禮

哈哈哈..實在太耐無update下呢到添~!
今次先黎補返上上個星期日首個下水禮啦~!

唔知幾時開始亞女每次沖涼都要響個盆到扮游水,又訓響到又爬響到..
我以為佢唔怕水,好想去玩水啦..咁我咪安排今次的下水禮囉..

點知...一落水..就喊! 仲要喊到癲左..完全唔敢落水...我同老公都無晒佢扶囉!
抱左一陣, 行左出去露天泳池..佢好似好d...但都係好似"其那"咁攬住實..
見到佢2行眼淚..真係想帶佢走...但基於俾左入場費, 點都要游返一陣!

玩左大半個鐘, 寶寶開始好d囉..借左人地對手袖去玩水,佢好似好d喎..
都有攬實dad, 但都叫做無喊......最後仲放手自己游添呀..! 大膽到死...!!

自此, 每日沖涼都要好似游水咁..訓響到玩水唔願起身..!!

PS. 出賣左dad的稀疏的頭髮添.. :p