20091030 學校哈佬喂

今日學校要扮鬼扮馬返去, 一心諗住同寶寶扮彩虹仙子的...
寶寶堅持.....要做返白雪蕃薯(公主)喎!

佢個公主紅色頭箍成日SIR左落黎,所以想同佢換個金色頭箍,
但佢點都唔戴,佢話白雪公主頭箍係紅色唔係金色喎.....
咁我就同佢講公主去PARTY或結婚先用金色架~! WAKAKAAK
最後信左...所以個LOOK係...


佢個斜孭袋係袋住3個毛巾盒,返學用的!


我仲帶左一套便服俾佢放學著, BEAR話唔想湊住MEGAN蕃薯遊行喎! WAKAKAKAA~

20091024 美味晚餐

不知不覺已經返左杜杜叔叔到已經有一年啦~! 今個SECTION又黎最後一堂啦!
要等到11月14先再新課程, 係有關多元智能發展, 應該會更好玩!

呢到其中五個同學仔,幾難得可以齊齊望鏡頭! (因為我出口術,有糖食呀~! 哈哈!)


襯杜杜叔叔同其他家長REVIEW緊呢幾個月的進度,試下新飾物先!


好啦!到交換禮物同埋出席咁多堂先有的杜杜叔叔禮物!


黎返張大合照~!


上完堂,我地又去食潮州菜! 最近我同BEAR發現呢間唔起眼的潮州菜館!
先上寶寶最愛凍烏頭,佢一個人食左半條!

腩汁菜心

呢個SUPER好味的 "梅花骨" 果D伴菜係炸左的金菇,好正!

水瓜酪, 潮州菜館一定有呢D好野食~!


呢餐真係好滿足!! 之後等王記開檔買定宵夜返屋企嘆! 月巴死啦...WAKAAKAKA~

20091018 孖寶哈佬喂派對

朋友邀請我地一齊參加孖寶哈佬喂派對, 約埋朋友仔一齊做公主!
係呀無錯,公主裙著多2次先抵返架嘛~!


寶寶有D吽吽地,因為出門口食左葯水,去到齋坐同埋痴住我多囉~!


咁咪唯有開左餐先啦~!



食飽野,開始好DD啦~! 搞下呢隻震震貓先~


做乜野笑得咁開心呢..因為佢響到搞隻震震貓...隻貓走佬囉~!


痴埋一齊行CAT WALK, 喂...細路係行CAT WALK呀...唔係走鬼呀~!!!


行完CAT WALK影返張相先~!


好啦..響義工姐姐領導下,一齊玩彩虹傘!


玩到咁上下,換返套便服玩吹泡泡!




寶寶話好LIKE呢個花貓LOOK喎~!


PARTY好快就完,仲有一大袋禮物拎走!
真係多謝IDA姨姨邀請一齊黎開PARTY!

20091017 姑婆生日會

今早真係好眼訓, 好想訓覺, 媽媽特止俾我唔去學跳舞, 俾我訓到十二點!
媽媽話可能平時真係太多活動的我,要俾多少少時間休息下囉!
仲話希望我唔係扮野扭計唔上堂啦~!!!! KEKEE...

今日表姨媽靜悄悄為姑婆搞個小型生日會,

舅父仔托媽媽買左束花送俾姑婆做生日禮物~!我有份幫手去拎架~!


今日姑婆生日,點都要俾D面同佢影張相!

加埋媽咪,表姨媽同埋小表妹先~!


媽媽揀左壽星婆婆齊賀壽的蛋糕送俾姑婆~!


侄孫+乖孫齊賀壽~!


全家福呀~!


切蛋糕啦~! 你地見唔見到MEGAN寶我呀~?

(被咁多隻手遮住左呀~! WAKAKAAKAKA~~!)

紥花咁靚,當然要同我MEGAN寶影返張相啦~!

要同爹爹影~!

再同媽媽影~!


跟住就齊齊開飯~! 十一點半先完....眼訓!
好彩有爹爹抱抱返屋企! ^v^

20091010 又一生日會

總於等到陳泓熹的生日會啦~! 我地約埋CHARMINE一齊坐巴士入去柏麗灣,
一落車點都要同好同學影張相啦~!

寶寶: CHARMINE我地就到啦..跑快D啦~!


跟住...入到去好大間的PARTY房,間房有個大廳,有麻雀房, 有XBOX 遊戲機房, 仲有個好大的卡拉OK房添~! 寶寶一去到,就已經除晒鞋同佢班老友玩, 玩到亞媽都唔要LU~! 而當日BEAR同我都要幫手燒野食, 所以一路都無相影到...玩到半場, 蛇去睇下個女先~!

瘋癲TWINS!!


你地快D黎一齊唱啦~!

四人合奏


獨唱的寶寶

唱到攰, 要坐底唱先~!


唱完歌, 係時候出去玩遊戲, 多謝MING姨姨買個PINATA俾班小朋友一齊玩~!
一人揀一條繩先~!

準備要拉啦~!

最後唔知邊個拉中....齊齊踎晒響到執金~!


當然唔少得主角切蛋糕啦~!

同主角影返張相先~!


食完蛋糕...個咀都藍埋~! wakakaak~~


真係好多謝ming姨姨搞一個咁開心的party! 下次記得叫我地黎玩呀~!
下次應該到泳橋的生日會囉...好期待!!

20091001 新朋友聚會

媽媽最近又識到成班新朋友, 今日去其中一個朋友屋企...搗亂~!

由於那間屋,有廿幾個大人,再加埋十幾個小朋友..同埋一大堆玩具...變左無位行呀~!!


爸爸就抱住人地個細佬佬坐響到睇住D媽咪響到吹水!


果日時間好短,但都好開心喎~! 因為有咁多玩具玩丫嘛~!