畢業後的禮物...

畢業後,唔係唔洗返學架..!因為仲要等9月1號先返新幼稚園,所以仲要返多2個星期托嬰園! 老師已經好唔捨得亞女,希望能多與寶寶相處,我見到都好唔捨得呢到的老師,不竟都相處了20個月,由一個3個幾月大的寶寶,湊到現在2歲啦!當中的苦與樂同各老師一齊經歷,真係有好多好好的回憶! 上星期還收到老師給我有關寶寶響托嬰園的評估紀錄,睇返好多寶寶由BB時到現在的會行會走~! 真係等我有時間SCAN左放上黎同D朋友分享下~! 現在分享一下由四個月大的寶寶變成現在的寶寶先~!

肥寶寶黎啦~!

呢排寶寶放左學返黎,晚晚都唔食晚飯,婆婆出盡法寶,煮寶寶最愛食的餸,亞女都唔食飯!
原來係每日爸爸湊寶寶放學都會買包包俾佢,火腿包,芝士包,蛋蛋包等,有時仲要加鮮果汁俾佢!!
唔怪之得,寶寶晚晚唔食飯都有大肚腩啦~!

我每次湊寶寶只會帶水樽俾佢接佢, 因為學校響4點半已經食左下午茶,仲要係一碗粉喎!!
湊放學時只係6-7點,返到屋企食晚飯時最多都係8點,咁點會有胃口食晚飯呀!!
我都知爸爸湊寶寶搭巴士好辛苦,因為寶寶響巴士有時會扭計,我都無法!
平時我響巴士到會陪寶寶唱歌,數手指等..爸爸可能少做呢D野,所以佢會扭計...

但都唔可以每日放學都一個麵包,咁樣寶寶好肥架!!

爸爸記住,咪再日日都買麵包操肥我的小寶寶!! 你已操肥了媽媽啦! >.<

2008-08-10 首個2歲PARTY開始

今個月係生日月,我地約埋一班2006年8月出世的bb開生日會~!
首先有好多人好耐無見...亞女有d驚,不過佢次次都係咁...
之後玩得亞媽響邊都唔洗知..

先黎拎住2枝"popo"棒wakeup下先~!


再黎追住個大波玩!


多謝搞手為我地準備咁多食物!



之後齊齊玩遊戲,夾公仔!


同場加插爸爸級拔河比賽, 你地睇下爸爸幾出力, 嚇到企響附近的寶寶喊左出黎呀~!


最後因為爸爸影唔到張靚的大合照相放上黎,放返張全家福啦~!

2008-08-09 我的生日禮物

8月7係我生日,不過完全無機會好好慶祝一下! 因為6號打風,呢個風叫"北冕"打足一日唔洗返工,由我的生日就在埋數死期,我相信6號果係我係最唔想打風的一日,因為差點趕唔切交功課,咁樣8號我就去公司旅行 - 澳門都會玩得唔放心~! 所以犧牲了我的生日慶祝的機會!

不過唔緊要,唔慶祝事少, 無禮物事大丫嘛! 我想換銀包好耐架啦, 咁O岩又有美國朋友返黎,叫佢買個COACH的銀包返黎俾我~! 我好鍾意呀, 雖然唔係今個SEASON的款,但係黑色銀包都幾耐用呀,最重要係因為OUTLET貨,比新款平一半有多呀~!

今晚太夜,後補新銀包相! 亦多謝老公佢有贊助我買新銀包架~!

2008-08-17 好朋友生會

今日到我的好友NIC NIC 同NICOLE的生日會,好開心得到佢的邀請呀!
著靚D去先!


媽媽亦整左D o者喱杯一齊食呀,不過無影相, 搞到拎住好多野去feli姨姨屋企到..無人抱我!
一去到..見到好多唔識的大人! 我只係見到個好靚的波波池呀,第一時間入去玩先!


仲有我最愛的購物車,爸爸成日都唔肯買呢個購物車俾我,我好鍾意架~!


feli姨姨買左好多好靚的波波呀,當中最靚就係米奇老鼠同米妮老鼠!不過我好驚呀,唔敢同佢地影相!


我最鍾意就拎起果d波波,你見我幾努力拎佢地出黎..!!因為果d波波會飛飛下架,媽媽話果d叫"氫氣球"喎!

2008-08-16 畢業禮兼生日會(2)

畢業禮完左, 響學校食左少少茶點就等小朋友玩一陣我地就一齊去到"薯仔屋"開PARTY啦!

去到"薯仔屋"分店,佢地仲SET緊位,見佢地都幾好用消毒葯水抹過個地下,又準備地墊,果然係搞開KIDS PARTY呀! 一去到幾個小朋友已經急不及待咁開D玩具玩LU..已經唔係好記得果段時間佢地平時響學校訓開午睡的!


好..等收埋其他相先寫埋佢啦~!


你地睇下老師果日貼響寶寶塊面的印水紙幾靚,不過就好難抹得甩囉..!

2008-08-16 畢業禮兼生日會(1)

8月15唔係中秋節,係寶寶生日呀~! 而響保良局托嬰園都生活都已經到最後一個月,下個月就要正式返幼兒園, 意味著寶寶已經大個女, 要去另一個階段LU~!

亞女正日生日無乜特別慶祝,因為16號就係畢業禮, 而之後我搞左個小型PARTY, 所以要準備一下!

你睇下老師幾好心機準備!


呢班就係今年畢業的小朋友,佢地齊齊獻唱"世界真細小"


我地大個女啦!主任頒發"大個仔/大個女畢業証書"


呢個係寶寶好鍾意的同學仔,佢叫"許樂",老師話成日搞錯佢同我個女,因為佢地好似樣喎!


呢張就係畢業証書啦,証明亞女大個了!

個畢業禮完左之後,我地約左幾個同學仔去開寶寶個生日party!
由於爸爸懶無影過相, 所以等其他朋友send返d相黎先補返另一篇~!

2008澳門遊

今年公司大旅行又係去澳門,不過唔同的係坐金光飛行船來回, 不過呢隻船真係唔掂, 裡面的SEAT位係幾好坐, 但一開船就死囉...浪到癲...個船長都唔知點渣船的!!

一落船就去到氹仔, 再搭穿梭巴士去我地住的酒店 - 威尼斯人酒店啦~!

由於未有咁快上到房,所以我地就響酒店內食LUNCH BUFFET打發下時間, 當然公司包架啦~!
食飽飽等上房都等足成個鐘, 真係任食都食唔到咁多啦...! 搞到寶寶唔耐煩走來走去..

終於差不多下午4點先上到房!

寶寶當然好開心啦..走來走去~!

不過我地要把握時間換泳衣去游下水啦, 話晒都5星級酒店丫嘛~!

好! 出發去泳池,由酒店房搭LIFT去5樓, 再行九曲十三彎差不多共200米路程,仲要再搭另一部LIFT先去去泳池, 我地去到LIFT口到最終揀返上房開缸水俾個女玩! 因為果到泳池無LOCKER, 我地又無帶晒D衫褲落去沖身, 一陣玩完咪"水淋水涕"咁行返上房呀? 咁咪有條水痕跟住囉..哈哈~!

不過呢個浴缸無舊年CROWN那個咁大, 所以玩得好迫呀..!

沖完個靚涼, 就落去大運河去睇下"GONDOLA"

跟住我地就去約定的LOBBY到等,齊齊去佛笑樓食晚飯, 由於舊年老闆食完話好, 今年要ENCORE!

不過一上巴士亞女已經訓左, 所以無影相, 亞女訓到食甜品先醒! 都叫做食得爽啦..! 好彩最後個西班牙炒飯, 食唔晒, 剛剛好變成我個女的晚餐~! 食飽飯無節目就跟大隊返酒店睇奧運開幕禮!

返到去酒店同個女沖返個泡泡浴先..平時屋企點都唔會搞架啦~!

睇下寶寶玩得幾開心..!!

跟住...我無野搞...就係最想快D俾個女訓著..但點知我地齊齊都訓左..!

直至清晨5點, 我起左身..叫埋老公齊齊落去賭場打個圈..HEHEE

其實都幾冒險架, 留得個女一個響到! 所以我地只係著左去半個鐘就上返房, 好彩個女無醒到~!

我估我以後都唔敢咁大膽,留低個女一個人...好彩都贏左第二日的洗費!!!

我地第二朝食埋個早餐BUFFET返上房執埋D野就CHECK OUT!

我地無乜特別地方想去, 最想去食好好味的蝦子麵, 點知又去返大三巴!

你地睇下一年前同現在的有幾大分別!

最後我地搵到好好味的蝦子麵係響十月初五街果到架..!

最後我地都係搭返金光飛航返香港!