第一次遊赤柱

印象中好似仲未帶過個女去赤柱,呢個地方我好想去,但真的好怕那九曲十三彎的巴士車程諗起都頭痛,一直提不起勁帶寶寶去!今日為左寶寶,約左她的好友許小姐,不得不好好去面對呢條咁樣的山路啦~!

先黎個準備出發的look!


到達啦~!拍個照留個見証先~!



黎到先行一陣,等埋許小姐一齊食午飯~!


寶寶:許小姐,你總於到啦~!我地去沙灘囉~!


當然唔係揀點幾鐘去"不"沙沙啦~! 我地行下先丫嘛!


寶寶:許小姐, 你學下我做呢個post啦~!


食完野行返出黎, 2位小姐見到人地影婚紗話好靚喎...點都要同新娘影返張相喎~!


去埋呢個特色郵局留返條腳毛先~!


行埋呢條小路就去到沙灘啦~! 用左2個半鐘時間先去到沙灘呀~!


終於開波玩沙啦~!!




除下一件, 除下又一件, 除淨條un un! 照玩~!

兩位小姐,踎響到做乜~? 佢地響到等浪...到呀~! 哈哈哈哈..


最後玩左45分鐘就要起程散水, 佢地2位小姐玩到濕身,怕佢地凍親丫嘛~!
一行返出去巴士站就有小巴,好快就可以走...亞女上左車無耐就訓左囉~!
好在今日無乜陽光,又有少少風都叫做玩得好舒服!但都好攰, 亞女就玩得好開心~!
返到婆婆屋企..佢已成個人醒晒...再黎要我地陪佢玩啦~!!
@.@ 佢地真係有無窮的精力...

婆婆加小b生日飯

5月18日真係一個好日子呀~! 當然啦...係我媽媽,寶寶的婆婆生日大日子喎~!
一年前我表姐的細女也想同舅婆慶祝以後的生日,
所以都特登提早一個月,揀左5月18日出世~! 今年即是1歲生日!
大表姐就約埋我地一齊出去食飯慶祝~~
先黎2位壽星女加寶寶合照~!



當晚表姐叫左好多野食呀..! 先黎小食..
(有醉雞,醺魚,WASBI螺片,仲有2款唔知係乜...但都好好味)



之後有八寶鴨, 亞婆肉, 松子貴魚, 砂窩雲吞雞, 蟹肉炒年糕, 蟹肉糯米飯~! 樣樣都好好味..
但最後上埋D 蒸炸銀絲卷,生煎包, 小籠包,葱油餅 <-- 真係有D飽得滯囉..

最後當然要有蛋糕切啦~!


寶寶又當左係自己生日...佢話佢要同蛋糕影相喎~!

BBQ @ 三聖村

答應左寶寶去"不"沙沙, 今個星期終於做到啦~! 約埋朋友一齊去BBQ添...
今早先煮牛奶麥皮做早餐,寶寶揀的~!

等小巴去深水PO再轉52X入去! 你睇下幾曬~~


去到三聖村,朋友仔已經搵到爐, 我就同bear bear即刻去買炭去開爐~!
姨姨就帶3個小朋友去playground到玩返陣先~!
開好爐就即燒腸仔俾小朋友開餐先~!


除左有婆婆幫手準備好好味的豬扒同南乳雞翼外, 我地仲買左花蛤同大蝦去燒呀~!



戲肉到啦~! "不"沙沙~


你地睇下寶寶玩得幾淘醉~!


由12點半到4點鐘, 玩左幾個鐘,真係曬到不得了~!
好彩有海風..如果唔係真係燒唔到咁耐!
呢個地方真係幾好,燒烤爐附近有街市,又近廁所又有playground同沙灘!
下次約sandy姨姨黎玩叫佢帶埋net net出黎先~~

可惡大毒蚊~ 無陰公!

嘿....! 可惡大毒蚊咬到我個寶寶變豬頭!

變成單眼英咁...


對手都腫晒!


full左冰好似好少少..


夜晚瞓覺得瞓得唔好....痛醒左3次呀~! 心痛死我啦~!
衰蚊, 咬就咬我啦~!!唔好再咬我個寶貝女呀!

母親節快樂~!

這個母親節, 沒有慶祝、沒有禮物, 游游閒地過~!
只係早上約去同奶奶飲茶, 以表孝心!
之後去商場打個圈就返屋企午睡片刻先再諗去邊到食飯~!
瞓醒左去吉豬島裡的樂園玩左20蚊,再帶寶寶去公園玩陣先~~等佢開心下~!
天黑了就去我最愛的泰國餐廳等位食飯~!

有佢地的笑容已經係最好的禮物~!



爸爸話事:依舊媽媽最愛的咖喱炒蟹同寶寶最like的炭燒豬頸肉~!



最後黎個大家都最愛的芒果糯米飯(加左碼)!


我相信今日係寶寶節多過似母親節,因為所有野都係寶寶最愛~!

悠閒的勞動節假期

一連3日假期,諗住好好去享受下陽光啦~!

點知第一日假期就發覺寶寶流鼻水,婆婆落左命令唔准去玩沙, 怕凍親!
所以取消左原本的節目-- 約許小姐入長洲"不"沙沙! (對不起呀, 許小姐要你失望~~!)
但爸爸話唔想浪費咁好的陽光同埋好想去拎生日襟章,

所以入迪迪尼玩一陣先返"爺爺"屋企切蛋糕!
入到去真係好舒服, 暖暖的陽光加微風...爽呀!~

好努力托星~!

入到去只係幸會了史迪仔同埋睇左Parade加小小世界就走囉~!

因為趕住返爺爺到食飯~! 一齊切蛋糕~!

明明係爸爸生日,變左2表兄妹的生日~!!

第二日,流鼻水就當然要睇醫生啦~! 去趙醫生睇完返婆婆屋企陪下佢..hea左一日~!

最後一日假期,一早就被約齊齊入迪迪尼睇煙花,所以早2日有好多野唔玩,

一心諗住等埋一齊入去玩~!開心D嘛~~~
點知..........被放鴿子~!! 1號我放了許小姐鴿子, 3號到我被人放鴿子~! 唉..報應~!
咁好啦..唯有自己入去玩啦~! 先去嘆茶,3點半先入去~

越來越多古靈精怪表情的寶寶

寶寶:歡迎黎到香港迪士尼~! (好似做show咁... =__= )

好熱地等同米奇影相...好苦悶的表情~! (寶寶點都要同米奇影相喎..)

寶寶:米老鼠...係呀!又係我黎呀...!

沿著大街慢行入去, 寶寶左跳右跳, 見到有青春歌舞表演, 佢就衝左去睇~!
跟住就聽住音樂扭PAT PAT~! 要等睇完晒先願走去第二個SECTION~!

寶寶:巴斯...你咪錫我啦~!


當日少人到, 玩斯光年完全唔洗排隊(其實係所有野都唔洗點排隊, 終於明白點解話迪迪尼會蝕錢!),仲要有工作人員俾我地由密道行返入去再玩,唔洗兜大圈入返去, 出黎就有張証書俾我個女添呀~! (因為佢全程戴上爸爸的生日襟章之嘛~!)

寶寶最愛這把"掃把"~!


之後去左騎馬仔,睇3D戲場, 全部都係寶寶自己揀~! 最後去排隊佢好想玩得馳車天地(都只係排15MINS)!


最後我地揀響放煙花前十分鐘離開迪迪尼,因為寶寶全日無訓過覺..同埋唔想同人一齊迫走!
去到欣澳站寶寶已經訓著, 我地2公婆就推住佢返深水PO食餃子,返到屋企寶寶先醒,即刻同佢沖涼再開支加料奶奶俾佢..! 咁就完晒我地3日假期啦~!!

最後送上這2日入去迪迪尼的戰利品~!