沒有自由的日子

你地估下係乜野沒有自由? 寶寶痴身? no... 好多野做? no...
係公司有internet, 但好多網站唔俾去的自由呀!!
我都知一定有人覺得, 返工時間應該做公司野, 上網就已經唔o岩, 有乜野權力去爭取呢d自己呢?

但由於唔係因為公司的policy問題, 只係有d人自以為事所以搞成咁..!!
做晒公司野, 只可以坐響公司到發夢...好無陰公囉..
而且我呢d習慣以internet為生(活)的人, 好似與世隔絕..沒有朋友,沒有意思...!!
我亦無理由因為呢d野而搵過另一份工架?

苦..............

2008 情人節

今年情人節已經係我同bear第5個情人節!
好記得2004年同bear拍拖後第一個情人節,佢本來會係14號才出團,點知提早左一日13號出團,我本身好想13號才同佢慶祝,咁就變左無得一齊過情人節!
所以我一刻的衝動就立即去買機票跟埋佢一齊出團--目的地係杭州!當時帶那團只有12-13人去華東7天,我就立即請3天假連埋星期六日就有5日,訂深圳機票飛去杭州會合他,乜野都無諗!求其帶幾件衫咁就搭船去深圳機場趕飛機去杭州會bearbear!

現在諗返去,我覺得自己都好犀利,未試過咁激....!呢個算係我最難忘的情人節!

不知不覺今年已經係婚後的3個情人節!
平時的bear沒有說"我愛你",沒有甜言蜜語,沒有特別的情趣,.....
但他有無比的細心同愛心,無論對我同我身邊的所有人,他給我的是我覺得最幸福的事!

今年的情人節bear先有出團買回來的dior香水mini set加我最愛甜甜黑朱古力!
返到公司竟然收到一束紅玫瑰添~! 我真的沒想過bear會送花給我,因為太貴....
收到花打俾佢話佢side錢,佢原來已經差點忘記早已訂花給我...!!
但我個心依然係好甜,....反而今年真係什麼都沒有準備給老公!

唯有在此講, 我愛你~!

送豬迎鼠 (大年初八)

今日已經係大年初八啦! 已經係老鼠年, 先祝所有人身體健康, 心想事成, 事事如意!
先由月頭屋企準備大堆頭的過年食品,跟住我個寶寶病足2星期, 我就忙到現在先叫做得閒少少..
但就自己唔小心沉日又趴街扭柴,真係無陰公呀~!

過年前亞女先患上耳膜炎,再黎支氣管發炎, 食足2星期葯水!!!!!!!!!!!!!!!
希望過左個豬年,亞女大個女,唔洗再食葯水就好啦~!

今年過年老公都有團要出, 去左五天馬來西亞, 初二去初六返, 放假都還好d,可同個女響屋企食飽就訓!
初五我要返工埋數,先帶個女返學,返工做到九點先返屋企,好彩有亞媽幫下手湊女返屋企餵食飯,如果唔係真係幾頭痛!放工返到屋企,要搞掂個女,自己就是但食d飯就餵女食葯tum佢訓, 累到死! 果刻鐘真係最想有老公響到,因為老公真係幫我不少~! 老公你真係好好...

星期二初六老公終於返黎,先去湊埋個女去機鐵站接佢先返屋企,真係好掛住老公!
除左寶寶有飛機熊bearbear, 我都有dior 香水 mini set做情人節禮呀...