2008 情人節

今年情人節已經係我同bear第5個情人節!
好記得2004年同bear拍拖後第一個情人節,佢本來會係14號才出團,點知提早左一日13號出團,我本身好想13號才同佢慶祝,咁就變左無得一齊過情人節!
所以我一刻的衝動就立即去買機票跟埋佢一齊出團--目的地係杭州!當時帶那團只有12-13人去華東7天,我就立即請3天假連埋星期六日就有5日,訂深圳機票飛去杭州會合他,乜野都無諗!求其帶幾件衫咁就搭船去深圳機場趕飛機去杭州會bearbear!

現在諗返去,我覺得自己都好犀利,未試過咁激....!呢個算係我最難忘的情人節!

不知不覺今年已經係婚後的3個情人節!
平時的bear沒有說"我愛你",沒有甜言蜜語,沒有特別的情趣,.....
但他有無比的細心同愛心,無論對我同我身邊的所有人,他給我的是我覺得最幸福的事!

今年的情人節bear先有出團買回來的dior香水mini set加我最愛甜甜黑朱古力!
返到公司竟然收到一束紅玫瑰添~! 我真的沒想過bear會送花給我,因為太貴....
收到花打俾佢話佢side錢,佢原來已經差點忘記早已訂花給我...!!
但我個心依然係好甜,....反而今年真係什麼都沒有準備給老公!

唯有在此講, 我愛你~!