海洋公園@2007/11/10

學校去海洋公園旅行, 今次係灣仔區議會藉著香港回歸十週年贊助呢區的某d機構去海洋公園! 所以今次旅行係唔洗俾錢, 仲要係包埋lunch box, 水一枝, 雪糕同汽水添~! 真係好正呀~
先黎張大合照先~!

我地先跟埋一齊去睇安安佳佳, 當然仲有新的熊貓樂樂盈盈, 不過唔知係咪老人家唔洗訓咁多, 所以佢地2老就響到走來走去, 但樂樂盈盈就訓埋一齊囉...!

我地等埋其他同學仔一齊坐覽車過對面山睇水母呀~!

寶寶仲可以同佢最鍾意的張老師一齊坐覽車添呀, 寶寶好似一d都唔怕喎..!

你地睇d水母..好可愛!!

跟住就已經要趕住去海洋劇場睇海豚表演~! 但寶寶已經訓左囉...

我地齊齊食完午飯就去海洋館行個圈, 寶寶話怕怕喎...因為d魚魚好大條~!不過我就話係人大多睇唔到d乜野,唯有早d搭覽車返落山去睇雀仔表演..

好啦...時間都差不多玩到5點鐘係時間走囉...!

由於太攰我地搭車返屋企途中,寶寶已經訓著左, 返到屋企訓到十點先起身食晚餐, 洗個白白佢又再訓過囉..睇黎佢真係玩得好開心..!! 有機會再帶寶寶去玩過先...

做人父母...

今日得知我個舊同事個bb女出左世, 好想"鄧"佢開心..
但聽到佢話知道佢個BB個頭生左一個雞蛋咁大的瘤, 仲未知到係乜野黎..
我聽到個心好痛呀, 佢話早個星期都無晒心機, 日日同老婆響屋企喊! >.<

我身為人地亞媽, 當初亞女因為有黃, 唔可以跟我一齊出院, 我自己都忍唔住喊左出黎..
我非常明白佢的感受, BB女出左世自己又唔可以成日見到,又唔俾接觸自己個女..
果種感覺真係好難好難受...!

我好希望這個BB好快無事, 健康成長...! 我會祝福佢...!

學校升組..大個女! (2007/11/05)

今日返到學校同平時有d唔同, 先要響門口果張bear chair先換左對士多啤李鞋先街入去!

老師話今日我會升組囉喎, 唔再係細組, 即係唔可以成日玩, 要上堂啦~!

以前我地九點食完早點,就可以落圍欄到玩, 玩到眼訓就可以上床仔就訓覺架嘛..
今日就唔可以啦, 食完早點, 就要排隊去洗手再坐鴨仔去vv, 返課室就要正式上堂!

張老師拎左好多我未見過的教材,好得意呀! 俾我摸下啦...(老師話我手多多, 要等講埋先用得喎)

時間過得特別快...不過最唔習慣係唔可以話訓就訓囉..要12點至2點先有得訓, 同埋要人地坐鴨仔去vv囉, 以前唔洗架嘛... ! >.<