2008年下水禮

哈哈哈..實在太耐無update下呢到添~!
今次先黎補返上上個星期日首個下水禮啦~!

唔知幾時開始亞女每次沖涼都要響個盆到扮游水,又訓響到又爬響到..
我以為佢唔怕水,好想去玩水啦..咁我咪安排今次的下水禮囉..

點知...一落水..就喊! 仲要喊到癲左..完全唔敢落水...我同老公都無晒佢扶囉!
抱左一陣, 行左出去露天泳池..佢好似好d...但都係好似"其那"咁攬住實..
見到佢2行眼淚..真係想帶佢走...但基於俾左入場費, 點都要游返一陣!

玩左大半個鐘, 寶寶開始好d囉..借左人地對手袖去玩水,佢好似好d喎..
都有攬實dad, 但都叫做無喊......最後仲放手自己游添呀..! 大膽到死...!!

自此, 每日沖涼都要好似游水咁..訓響到玩水唔願起身..!!

PS. 出賣左dad的稀疏的頭髮添.. :p