一家大細遊泰國2008之第二天

瞓醒左當然第一時間落去食個早餐先啦~!

跟住換泳衣先~~~

好啦..! 爸爸包住個身上船啦~!

好啦..黎到啦..快D去"不"沙沙先~!

寶寶最愛拎個水壺走去海水邊到"不"水,再響我沙灘椅前到堆沙沙~!

你地睇下個海...幾靚~!

好啦...玩左2個幾鐘,係時候食午餐啦..我地食乜野好呢~!?

今餐我地食"碟頭飯"啦~! 留返個肚出去食野丫嘛..

你睇下,寶寶食到眼定定呀~!

跟住再玩得陣就叫快艇黎接返我地走啦,因為D水有D凍,寶寶又眼瞓,返酒店沖個涼去揼骨先~!

去到BEAR個朋友的骨場,揼返2個鐘! 但果2個鐘,寶寶無訓過,響間房走來走去..無停過~! =_=
但都唔理得咁多, 好爽呀,瞓返個零鐘先!
之後BEAR的朋友返黎,佢車我地去食海鮮......呢到係一個釣魚場黎的..

我無呢間餐廳地址,只有餐牌咋~!

寶寶好鍾意呢到架~!

呢到有套鼓,我估可能平時會有LIVE BAND~!


好啦..晚餐出場啦~! 先黎炭燒大頭蝦8隻, 一隻咖喱炒蟹!

呢個係正式泰式海鮮濕河粉(好似湯河咁架~!)

當然仲有"公車腩霸"!

蟹肉炒飯, 寶寶食左2大碗呀~!

登..登..登..登....主角出場~~好有份量的8隻生蠔呀~!


寶寶都話食到YEAH~!

寶寶食飽借個口水肩俾爸爸用喎, 你地睇下BEAR BEAR飲啤酒飲到面紅紅! 我地4個人飲左6支大啤呀!

成餐埋單唔洗450蚊...~!!! 又抵又好味呀~~~!!
之後我地仲去睇人妖SHOW, 由於表哥JOE佢未睇過..咪一齊去睇下囉~!

個SHOW睇左唔夠20分鐘亞女就瞓左囉~!可能今日玩得太攰啦...
我就襯佢地睇SHOW時間..偷偷地走出去行一陣,SHOPPING又點少得呢~!?
返到酒店,表哥JOE同寶寶都瞓晒,我同老公就拍住拖出去食宵夜...
去食乜野...當然係我最愛的芒果糯米飯啦~!

食飽飽可以去瞓囉...準備聽日為寶寶而設的"老虎仔樂園"!