寫真again~!

上星期五約埋carmen帶個女去影寫真, 個女真係唔同晒樣! 所以點都要影下....

首先, 約左十一點去到影樓,點知搞錯地址, 搞到我地tum tum轉!
去到影樓, 果到又未開門, 抱住個差不多三十磅訓左的肥寶寶都咪話唔攞命~!


首先揀造型: minnie mouse, 小雲, 熊bearbear, 玩波波, 泳裝
但最後...變左做 熊bearbear, 玩波波, 泳裝, 甲虫look, 家庭照

由於我個女唔願影, 我去邊...佢去邊, 點都攬到我實, 所以改左其中一個造型做家庭照..我同個女影,
但都係影得唔多開心, 亞女點都有d扭計, 可能爸爸唔響到啦, ...
勉強影埋玩波波造型都已經差不多兩點!! 等埋carmen個女影完佢睇相之時, 我地出去飲茶..

等埋爸爸黎到先再開波, 果時都已經三點半有多囉..!! 爸爸一黎到, 個女開心都癲左,
又跳又叫, 係咁爸爸,爸爸, 好似好耐無見過個老豆咁...!!

再開波就影呢個泳裝, 可能亞女已經唔係bb, 影呢個佈景好似好唔match..
第二就影熊bearbear, 同佢不知玩左幾耐先影到咁多張咋!

跟手就補返幾張老公同個女同全家福, 咁樣先叫做一個造型丫嘛.. :p
最後影埋甲虫look就收工....!!

你地去隔黎自己睇相啦~! 影得好辛苦架...由11點半搞到6點半先走得!


之後去左旺角同ivy食晚飯, 真係好耐無見佢! 今次係佢第一次見我個女, 送左對adidas波鞋俾我個女! 不過同日, 爸爸就跌左佢著緊的crocs其中一隻鞋,....都唔知ivy係咪預知今日亞女會無鞋著..

再影都要等個女三歲囉..太攰~!