迪迪尼之黑色世界

上個星期去完哈佬喂,今日又黎黑色世界~! 但我地完全無入過鬼屋....目的係陪個女去玩下之嘛!
先同個女影張相先~!

入到去,當然要同特別版的米奇米妮影返張靚相啦~!!要等一個鐘先影到架~!
所以坐響大炮到影張相先~!

寶寶自己做的post~!

終於影到啦~!


影完米奇米妮,第一站當然係寶寶最愛的"小小世界"啦~!



再去玩小飛象啦,灰姑娘木馬,維尼熊等等~! 實在太多野玩啦~ 無乜點影相添..
之後n&n先後訓左覺,我地就去嘆下tea!! n&n媽就爽啦..安安樂樂咁食tea,我就陰公..
寶寶扭眼瞓又唔瞓,俾左半份餐佢食都仲扭計~!
食飽飽就見到大鼻同鋼牙,我地當然走埋去影返張相啦~!但寶寶怕怕,只有影左呢張相啦..

得我同爸爸影咋~!

之後我地就去森林世界果邊搵鬼屋玩啦..因為d bb終於瞓晒啦~!行過見到d鬼走出黎啦~!

但最終無玩鬼屋,因為太多人...坐船仔遊一圈就出返去搵巴斯光年啦~!
等巴斯時同爸爸影返張合照先~

寶寶平時好鍾意巴斯架,但今日見到巴斯就怕怕囉..

之後玩多次"小小世界"就去睇黑色巡遊,呢個係我地今次入黎最想睇的表演啦~
完左就快快地走囉..因為太多人lu~!


今日真係好perfect的一日,希望黎緊多d黎玩,等亞女無咁怕d迪士尼公仔啦~!