放假仲辛苦過返工(2007-10-13)

今個星期五晚同舊同事聚舊完當然留返響自己屋企過夜啦~! 但由於老公第二朝要返工,而且又要返外母到開工...所以佢搞掂亞女就返我亞媽屋企做野同訓覺!得返我同寶寶響屋企...

好彩寶寶都叫好乖無扭計, 一覺訓到第二朝8點! ^_^
訓醒我兩母女就去品香樓食個靚早餐再帶寶寶去公園玩千秋,...
去到公園仲識到住響同村的bb仔,佢細過寶寶3個月到啦! 等我俾你睇下啦..都幾可愛架~!
第二時可以約埋一齊去公園玩啦~!

返到屋企同寶寶沖涼,煲落粥仔, 再tum寶寶訓覺都已經係10點半的事...
仲要準備一陣上playground, 整好粥仔, 搵定衫, 11點半就要叫醒個女食粥,趕住出門口丫嘛..

準備好晒12點想出門口,點知見到亞女踎響到..就知佢要辦大事....! =__=
嗱嗱林搞埋佢截的士去, 點知打的都去唔到門口, 早知搭小巴, 慳返8蚊雞!

上完堂再打的趕返屋企開門俾ellien黎執屋企, 佢已經有成個月無黎我屋企啦...
dirty到爆...係時候要佢大清潔囉! 等埋老公返屋企,再去sandy學校的open day (真係無時停..)

去到sandy間學校寶寶就周圍行, 簡直out of control...但我真係好攰囉..叫c6睇住亞女!
完左之後同sandy high個tea就搭車返屋企抖抖...on the way途中,我又諗...聽朝又要去黃大仙陪亞媽飲茶, 都係今晚去埋奶奶屋企...所以轉到去奶奶屋企食晚飯!

去到奶奶到, 我真係謝晒皮囉~! 由亞女周圍搞囉, 可能訓未醒的寶寶見到爺爺竟然怕羞...
但加左細表哥玩多陣,就邊個都唔怕..正一爛玩妹!

好彩走果時佢會行去搵爺爺講byebye同錫下爺爺, 但依然有d怕麻麻, 可能麻麻講野大聲左少少, 等佢大少少就會好d架啦~!

見我今日星期一先update下個blog, 講返我weekend做過d乜.... 就知我有幾攰啦~!