有得免費遊海洋公園~

今日準時收工去跳jazz，六點三再趕去湊寶寶放學, 因為老公要開OT.去到學校都已經六點四十分, 寶寶見到我已經立即想飛奔出黎, 好在有老師安慰佢叫佢耐心等一陣...俾少少時間執好個袋同準備鞋仔先接佢出黎. 當同寶寶著鞋仔時, 睇到告事板上公佈免費遊海洋公園名單, 有寶寶份呀~!

本身都諗好下個月帶寶寶一齊去OCEAN PARK玩架啦, 點知今次有得免費入去喎,真係開心!
好期待呢一次旅行, 因為仲有埋其他同學仔一齊去玩丫嘛!

好彩老公今晚九點鐘就返黎幫手睇下寶寶, 如果唔係聽日真係唔洗返工, 因為我跳完舞已經散晒~! 仲要湊埋寶寶同肥寶返屋企...都係早D抖囉...!