一家大細遊泰國2008之第一天

今年過左個好平淡的聖誕節,原因係我將所有心意放晒響聖誕後的旅行~!
今次係寶寶出世後第一個旅行,仲要呢個旅行帶埋佢去喎..
所以要花多少少時間去plan下啦~! 去左咁多次泰國,今次係為左我個移左民好多年的表哥同埋寶寶而計劃的,所以內容有d似跟旅行團咁大同小異~! 有珊瑚島,有老虎仔樂園等等~!
去到機場見到有小丑同遊客宣傳香港機場...捉住寶寶影張相先~!

我地check左in,去坐無人駕駛列車去返terminal 1 的42號閘口等上飛機啦~!

寶寶第一次咁近去見到飛機架! 咪笑呢個寶寶打扮,係佢自己揀架~! 仲要帶埋史迪仔去~

寶寶第一次坐飛機,我地等飛機開時..寶寶好乖架~!

當飛機起飛果時,亞女發癲一輪, 佢就瞓左lu, 飛機餐都無食到~!

瞓醒左的寶寶,響機場就開始古靈精怪啦~!

我地響出門等mr.nam黎接我地! (mr. nam係我響網上面搵的泰國人,佢會講英文,佢做接送架~!)

再坐左一個鐘頭車,我地就去到芭提雅啦~! 呢間就係我地住的三星級酒店MIKE ORCHID RESORT.

一入門口就見到個泳池架啦~!

間房真係幾大,我地3個大人加埋寶寶都仲有好多位!!


好!!換好晒衫我地就坐兩排車出去ROYAL GARDEN PLAZA


今晚我地第一晚食飯的餐廳~!

先黎"公車腩霸" ~! YUMMY~

再黎多個BBQ大頭蝦

仲有特登飛黎最想飲的"冬蔭公"!

寶寶都食3串的沙爹串燒~!

為寶寶叫的肉片炒河!

最後有少少失望的BBQ魷魚


加埋3枝啤酒仲有2枝汽水, 埋單唔洗HK$300! 抵呀~!
之後行左去食雪糕就返酒店休息,因為準備聽日要去珊瑚島玩呀~!